Ireland 2002

Po‘aono, 6 Iulai, 2002

ʻAʻohe papa o kēia lā, no laila, ua kau māua ma luna o ke kaʻa ʻōhua no ke hele ʻana i ke kaona ʻo Donegal, he 40 paha mile ka mamao o ia kaona. Ua like paha kona nui me ko Waimea ma ka mokupuni ʻo Hawaiʻi, a ua like nō kona nānā ʻana me ko Front Street ma Lahaina, Maui. He mau hale kūʻai kahiko wale nō ma nā ʻaoʻao ʻelua o nā kulanui, a he huinakolu ma ke kikowaena o ke kaona i kapa ʻia he “kaimana” e ko Donegal.

ʻAʻole au i lohe i ka ʻōlelo ʻAiliki hoʻokahi manawa ma kā māua noho ʻana ma Donegal Town, a ua noho māua ma ka huinakolu ma ke kikowaena o ke kaona ma kahi kokoke i kahi a nā ʻelemākula a me nā luāhine kamaʻāina e walaʻau ʻana. He ʻōlelo Pelekāne wale nō kā lākou. ʻAʻole i ʻike ʻia ka ʻōlelo ʻAiliki ma nā hōʻailona o nā hale kūʻai, akā, ʻike ʻia nō nā inoa o nā alanui, e like hoʻi me nā wahi ʻē aʻe a māua i hele ai ma ʻIlelani.

Leave a Reply

Your email address will not be published. Required fields are marked *