Inspired by my friend Kaimana Barcarse’s experience with a tail-gating moped operator in Hilo. Try singing it to the melody of “Holoholo Ka‘a” for a laugh.
| Hanohano wale nā holo mokokika | Famous are the motosquito riders |
| Holo hele ana ma Hawai‘i pae‘āina | Traveling everywhere in Hawai‘i |
| Kohu makika ke kūwō ‘enekini | Their engines sound like the din of mosquitos |
| Ke pi‘i a‘e nā puni minuke | As their RPMs rise |
| Hinuhinu wale ka paleupo‘o | Their helmets are so shiny |
| me ka lākeke ‘ele‘ele ‘ili pipi | And their black leather jackets |
| He kalipa laholio na‘e ma ka wāwae | But wearing rubber slippers on their feet |
| Kohu ‘ole me nā Koa Puna | So unlike the Koa Puna |
| Noho pū ana nā ipo pili kua | The sweethearts ride against the back |
| Lima pa‘a i ka ‘ōpū kalaiwa | Hands firm against the driver’s stomach |
| Pa‘a pū ka waha i ‘ole ho‘i | The mouth is also held closed |
| Momoni ‘ia kahi pōnalo | A fly isn’t swallowed |
| Kā‘alo ka‘a i ka ‘ākau me ka hema | Passing cars left and right |
| Pēlā me nā ho‘ailono ho‘okū | And also stop signs |
| Holo ka‘awili a ‘ike ‘ia auane‘i | Riding twisting and turning eventually seen |
| Pālaha ma ke alanui | Flattened on the roadway |
| Ha‘ina ‘ia mai ana ka puana | The story is told |
| Ku‘u mele no nā holo mokokika | In my song for the motosquito riders |
| Kaulana a wiwo‘ole o Hawai‘i nei | Famous and fearless of Hawai‘i nei |
| I ke aka o ke aniani kū | To their reflections in the mirror |